सेन्योरा एक्स

वास्तवाचा उत्सव साजरा करतानाच
दिवे जातात
तेव्हा जाता जाता दिसलेली
ब्लुजमध्ये थिरकणारी तुझी पाठ
अखंड पावसात वाहुन गेलेली पहाट
तुझ्या खिडकीकडुन वळणारे रस्ते
केसांत फिरणारे दगडी हात
छातीवरची जखम

तुझ्या बिछान्यात झोपणारी शिल्प
अढळपणाच्या दिप्तीने तुझ्या शरिरावर
सिगरेटचा धुर सोडणारे अल्टर इगोज
या सगळ्याचं मी काय करायचं?

उद्या एकांतात तुझ्या शरिरावरुन हात फिरवशील
तेव्हा माझा विचार करण्यापुरता
हा विचार झाकुन ठेव. बास